”உன் நினைவுகளோடு..”

16 நாட்களின் வனவாசக்குறிப்பு.. (Future Leaders Friendship-2)

16 நாட்கள் வனவாசம் முடித்து

வீடுதிரும்பக் காத்திருப்போம்..

கனவுகள் பலகொண்டு

நினைவுகளை சுமந்திருப்போம்..

புதுவித அனுபவம்..

அதில்

தினம் தினம்

ஒரு யுகம்..

சில பொழுதுகளில்

இன்பங்கள்..

சில பொழுதுகளில்

துன்பங்கள்..

ஏச்சுக்களும் 

பேச்சுக்களும்

சகஜமாயின

எமக்கு..

தண்ணீருக்கு சண்டை..

குளியலுக்கோ

மிகப்பெரும் சண்டை..

முன்பு

தபாற்காரன் 

தெய்வமாய் தெரிந்தான்..

இன்று

தண்ணி பவுசர்காரன்

தெய்வமானான்..

வீட்டு நினைப்பு

மனதை அழுந்த

விழிகள் கலங்கியபடி

காத்திருந்தோம்..

எதுவாயிருந்தாலும்

நட்பினில் மட்டுமே

இன்பம் கண்டோம்..

மனம் மலர்ந்தோம்..

பலவற்றில் பிரிவினைகள்..

பரிதவிப்பில் சிலநொடிகள்..

நினைக்கமறக்கும் நினைவுகளை

மீட்டுவதில் இன்பம் கண்டோம்..

சில பொழுதில்

புரிந்துணர்வு விட்டுப்போனது..

ஆனால்

நட்பு கைகொடுத்தது..

பற்பல அதிகாரங்கள்..

அதனால்

அடக்குமுறையில்

கழிந்தன நாட்கள்..

எனினும்,

கண்ணீர் துடைத்தது

நம் நட்பு..

காலமெல்லாம்

கைகோர்ப்போம்..

நட்பின் மடியில்

தினம் மகிழ்வோம்..

நாளைய விடியலெண்ணி

இன்றே 

தூக்கம் தொலைத்தோம்..

விடைகொடு நட்பே,

பிரிந்துபோகின்றோம்

நாளைய பொழுதில்..

இது நம்

16 நாட்களின் 

வனவாசக்குறிப்பு...!

Future Leaders Friendship..

எங்கிருந்தோம்

இத்தனை நாளாய்..

இங்கு வந்து 

ஒன்றாயிணைந்தோம்..

முதலிரண்டு நாட்களும்

தனிமையிலே கழிந்துவிட

பின்வந்த நாட்களெல்லாம்

பூரிப்பை பரப்பியது...

கனவுகள் பலகொண்டு

கைகோர்த்தோம் நாமிங்கு..

கலையாத நம் நட்பு

கவிபாடும் காலமெல்லாம்..

சின்னச்சின்னதாய் சண்டைகள்

சிலநேர்க் கோபங்கள்..

கொஞ்சலான பேச்சுக்கள்

கெஞ்சலாய் சில காலங்கள்..

நன்நான்கு பதினாறாய்

நாட்கள் நீண்டுவிட

வீடுசெல்லும் நாளெண்ணி

விடையின்றித் தவித்திருந்தோம்..

ஆணென்ன? பெண்ணென்ன?

இனமென்ன? மதமென்ன?

எதிர்பார்க்கவில்லை நாம்

நட்பினில் சிறகுவிரித்தோம்..

அதிகாலை 

சோம்பல் முறித்து

அவதி அவதியாய் 

உடைகளணிந்து

அந்தரத்தில் பறந்திடுவோம்..

தூங்கிவழிய Lecture hall

தூக்கம் கலைய Playground

கடக்கும் நாட்களை எண்ணியபடி

கழிகிறது காலம்..

சொல்லப்பட்ட காதல்கள்

சொல்லத்துடிக்கும் காதல்கள்

விழிநனைக்கும் பாசங்கள்

விடைபெறுகிறது எம்மைவிட்டு..

விடைபெறும் நாளெண்ணி

மனம் துடிக்கும்..

விடைபெறும் பொழுதுகளில்

விழி கலங்கும்..

எங்கு சென்றாலும்

எப்படியென்றாலும்

பல்கலையில் கைகோர்ப்போம்

நட்புவானில் சிறகடிப்போம்..

இது நம்

" Future Leaders Friendship..! "

கனவுகளின் மடியில்..

சாலையோரத்தில் 

தனித்துவிடப்பட்ட 

காலி இருக்கைகள்.. 

மேசைமீது 

ஒதுக்கிவைக்கப்பட்ட 

வெற்று தேநீர்க் குவளைகள்.. 

உனக்கான கவிதைகளால் 

நிரப்பப்பட்ட 

வெள்ளைத்தாள்கள்.. 

நேரம்போவதே தெரியாமல் 

சுற்றும் 

சுவர்க்கடிகார முட்கள்.. 

நாம் தொலைவாகிப்போனது 

தெரிந்து 

சோகித்து பாடும் 

இராப்பறவை.. 

கரைவதா? காய்வதா? 

என்று தெரியாமல் 

வழியும் 

நம் கண்களின் விழிநீர்.. 

காலத்தை சபித்தபடி 

ஒளிரும் 

தேய்ந்துபோன சந்திரன்.. 

இவையெல்லம் 

கண்முன் நிதர்சனமாகியும்

நம்பமறுக்கும் 

நம் இதயம்.. 

அனைத்தையும் கடந்து 

நாம் மட்டும் கைகோர்க்கிறோம் 

கனவுகளின் மடியில் - 

உணர்வுகளின் ஜனிப்பில்..!